Jæja.... smáááá spenningur í gangi... fór upp í rúm í gærkvöldi til þess eins að bylta mér, henda af mér sænginni og kúra mig undir hana til skiptis, hugsa og hugsa, anda rólega, hugsa fallega, taka öndunaræfingar- í marga klukkutíma en ekkert dugði nema svefntaflan sem ég tók klukkan fimm í morgun! Dauðöfundaði Krumma að sofa svona blítt við hliðina á mér, gjörsamlega áhyggjulausan og ekkert spenntan.

Ég flýg til London kl 9 í fyrramálið og Bryndís ætlar að sækja mig á flugvöllinn. Hún er svo ljúf að leyfa mér að vera hjá sér um helgina og ég býst fastlega við einhverjum látum í London á laugardaginn þar sem við erum að fara á Ladies Night með DJ Pussy Wagon! Getur ekki klikkað!

Það litla sem ég fer með

Það sem gæti hugsanlega klikkað (ef eitthvað) þá er það að ég missi af fluginu mínu til Mumbai á sunnudagsmorguninn kl 10..... 7, 9, 13 að ég nái því nú! Hef allt klárt og skelli mér beint af Dömukvöldi á flugvöllinn, skothelt plan!

Annars er ég bara hrikalega utan við mig í dag.... var heillengi að reyna að koma usb lyklinum mínum í tölvuna áðan og var búin að spyrja Silju um ráð og prófa allar mögulegar aðferðir þegar ég áttaði mig á því að ég var að reyna að setja lykilinn í nettenginguna! 

Humarveisla í kvöld með nánustu fjölskyldunni.... ekki enn kominn kökkur í hálsinn, ætli hann mæti ekki í kvöld, magnist upp í nótt og springi svo út á flugvellinum í fyrrmálið.

Annars er þetta bara síðasta bloggið mitt á Íslandi.... hlakka til að lenda í ævintýrum í Lundúnum, Mumbai, Thailandi og öllum hinum stöðunum sem við komum til með að heimsækja

Hafið það rosalega gott um jólin elsku vinir.... hlakka til að hitta ykkur á næsta ári!

Sigga Bylgja